حـسين كـامل سـحلوه سـحل .. حـوبة الإمـام الـحسين (ع)..!

إياد الإمارة ||

طيارات إيـران ألمن تجي للعراق؟
أغلب مَـن يُـسافر على متون هذه الطائرات من الإيرانيين والعراقيين هم من “الزوار” ..
زوار الإمام الحسين “عليه السلام” وبقية المراقد المطهرة، وزوار الإمام الرضاء والسيدة المعصومة “عليهما السلام” وزوار الإمامين الخميني والخامنئي “رضوان الله عليهما”.

يعني الطائرة الإيرانية ما تنقل مسافر مريض جاي يتعالج بمستشفى بالديوانية لو بالحلة!
ولا تنقل سائح يزور مدينة أور وهي “تواليتات” مابيها!
ولا تجيب مصطاف يتقي حرارة شمال طهران في بادية السماوة!
ولا تجيب الإيرانيين يتسوگون خيار الزبير ورگي اللحيس بالبصرة!
ولا جوعانين على طابگ وبني العمارة!

هاي الطائرات للزوار ..
والله “يعابي” كل واحد يوگف بطريق الحسين “عليهم السلام”.

سامعين بقصص نهايات أعداء الإمام الحسين “عليه السلام” وزواره؟
شلون انتهى المتوكل والحجاج وحسين كامل وصدام حسين؟
شفتوا شلون مصير إلي يتعدى على زوار الحسين “عليه السلام” حتى بوقتنا هذا.

چـا تانوا شوية وراح تشوفون حوبة سيد الشهداء “عليه السلام” وزواره بيكم:
* مناصبكم راح تروح ..
* ⁠الفلوس البگتوها ضاعت وراح تضيع ..
* ⁠وراح تنسحلون سحلة كل طاغية جبان ..

امنعوا هبوط الطائرات الإيرانية بالمطارات العراقية “المتطورة” ..
والله لن تمحوا ذكر الحسين ولا زيارة الحسين ولا محبة الحسين “عليه السلام”.

٢٥ أيــلول ٢٠٢٦

‏استعمل هذا الرابط للانضمام إلى مجموعتي في واتساب: https://chat.whatsapp.com/JIY5uaYP9xk57scDUJsBQq