قصة سلام راضي شناوة..!

حسن عبد الهادي العگيلي ||

سلام راضي
شاب عراقي طيب وطموح مثل كل الشباب العراقي من عائلة على كد الحال كمل بألف يا الله كلية القانون وقدم معاملته لوزارة العدل الي اعلنت عن توفر درجات وظيفية.
البارحة دك تلفونه ……..رقم غريب !!
سلام…. الو
المتصل …انت سلام راضي
بلي استاذ اني سلام تفضل
المتصل..سلام راضي شناوة
اي اي استاذ شناوة جدي
المتصل ..انت مقدم معاملة تعيين لوزارة العدل.
نعم استاذ الف رحمه لوالديك
المتصل…و حتى الفايل مالتك اصفر ومخلي مستمسكات ملونه بيه.
اي والله استاذ
المتصل..هسة فايلك بيدي و انت مخلي بيه 4صور ملونه.
اي والله استاذ جيس صغير اخضر كابسة بالصفحه اليمنى استاذ ..بشر استاذ ان شاء الله خير استاذ….
المتصل… عمي انت جلبتلي استاذ ما استاذ اني الم قواطي ولكيت فايلك بالزبالة وكلت خطيه خاف يحتاج الصور …
هسة انت گرطت رصيدي استاذ يا ابو ستاذ!!!