قصة وسؤال..!

محمد الحسن ||

بداية الثمانينات، صدام راد يخلق حرب وي ايران، بوقتها ايران بعدها ما مستقرة وضعيفة، بس المشكلة صدام ما عنده حجة، اختلق أسماء وهمية (زين القوس وسيف النصر) وگال هذي مناطق عراقية احتلتها ايران ولازم نحاربهم، والحرب ما راح تطول هي حسبة شهرين بالزايد ٦ اشهر.

بعض العراقيين: رحنا مشينا للحرب.. عالساتر هلهل شاجوري.. ضحكة من وجه صدام.. بس كون الريس سالم.. الخ.

والشهرين تجر ٨ سنوات، مئات الآلاف من الضحايا، وياهم مئات الآلاف من المعاقين، ومثل هذا العدد معدومين وإضعافه مسجونين ومثلهم مهجرين او مهاجرين، والباقي جوعانين. وفوك هذا كله رجع المطي صدام على اتفاقية الجزائر ونطاهم نص شط العرب وهو الممنون. خلصت الحرب والعراق طلع مفلس.
وره الحرب بعشر سنوات صدام گال: دفعوني السعودية والإمارات!

برأيكم.. ثقافة صدام بعدها موجودة عدنا لو تخلصنا منها، والشعب يحب هيج ثقافة لو يوگف ضدها؟
#العراق

#المرجع_الاعلى