رسالة مملحة إلى السيد رئيس مجلس النواب..!
بهاء الخزعلي ||
علينا تگول مو مالت حكم ليش؟
وتنصب نفسك أنت أعلى القيادة
وعلينا تگول بس مالت يلطمون
وهاي بحقنا هي أعظم شهادة
نلطم على حسين وهذا تاريخ
يؤكد عشنا ضد ظلم الإبادة
لجن خليني أسولف وأستمع زين
انا بتاريخي ما أهم بالقيادة
ما همنه المناصب والحمايات
ولا همنا الرواتب والزيادة
گضينا عمرنا ندور الموت
عكس موتت زلمكم عالوسادة
لجن خلينا بس نتحاسب وياك
نشوف لياهو ترهمله القيادة
محافظتك وطبو بيها الأرهاب
شلون أئتمنك أنا أعلى القيادة
ولدك وأنت بأقرب طگه فريت
وأنا ولدي تعنو للشهادة
بحرورتها وأنت مگابل الماي
بقطر بالمنتجع وبكل سعادة
وانا بكل فخر وبصدر مفتوح
والماو مگابله وناوي الشهادة
وإذا قصة تناغم ويه جمهور
قبل الانتخاب و كلشي وارد
لا ترجع بعدها تبوس الگاع
تدورلك مناصب يم گاعد
ولا أريدن أشوف تسولف وياي
وتدور عالرواتب والتقاعد
انا الحررتها ونازف دموم
عكسك أنت يالصبحت شارد
وإذا عن الاقتصاد تسولف وياي
انا مالت كرامة مو موارد
وإذا تگطع الماي تهدد بهاي
مثل جدك يزيد بهالعوايد
تره العباس جدنا وعدنا جفين
نخلي الطكَ درج نازل وصاعد
من جان الحكم بأحضان صدام
وكلكم جنتو فترتها توابع
شيعي وما أهمن بالحكومات
لأن عندي القيادة من المراجع
وخاف لسان يطول لأجل الأحداث
و بالجولاني فرحان وتدافع
تره بفتوى نگوم ونطوي الگاع
ويجي الجولاني يم رجلينا راكع
شكد سنين مرت وانتو حكام
وفلسطين انسبت والكل يباوع
بس الشيعي ردها وگبت النوب
وبعد حجيي بتعالي مو تواضع
انا بس الفدائي لأجل الإسلام
وانت لأردوغان شگد تراجع
ذيل وما أحسبك يوم عالرووس
وما تنعد فرع وسط الشوارع
أي إنجاز عندك غير الإرهاب
وجاي تهدد ورايد تنازع
جدك قلع ثوبه خايف يموت
وجدي باب خيبر بيده قالع
اقرء ايضاً
