ليست أول قارورة كسرت في الإسلام..!
إيليا إمامي ||
الآن إذا يريد أبو أمريكا يعير أبو إيران أن الناس متريدك ومنقسمة حولك مو كلهم وياك .. يكدر أبو إيران يكله شوف نفسك بالأول وشوف أمريكا شلون منقسمة!
إذا الصهيوني يعير الفلسطينيين منقسمين بين فتح وحماس.. خل يشوف نفسه هسه بتل أبيب شلون عالگة بيناتهم يمين ويسار!
إذا أبو تركيا يريد يعير أبو مصر بأنه ما تقبل الانقسام وقمع الأخوان .. راح يجاوبه شوف حال تركيا بالأول والتظاهرات على باب بيتك.
إذا أبو سوريا يريد يعير لبنان بأنهم مختلفين وحزب الله مكروه وو .. يگدر يگله شوف سوريا صارت دولمة مال اختلافات..
منو بهذا العالم يريد يعير منو ؟
منو بهذا العالم الخانق .. سلم من الاختلافات ؟
الصين ؟ الهند ؟ روسيا ؟ البرازيل ؟ العراق ؟ منو ؟
أكو دول خدمتها الظروف وسيطرت على اختلافاتها بالمعجزة والأسباب .. مثل عمان والامارات .. لكن أرجع وأقول .. تعمق وشوف أكو اختلاف بس مو ظاهر (وهاي بحد ذاتها نعمة)
على العموم أريد أكول من كل هاي المقدمات المملة
احنه بالعشرة الاخيرة من شهر رمضان
نحتاج شويه هدوء وتفكير
ونفكر بوسط هذا العالم الممزق شلون نصل إلى الله .. وشون نأدي تكليفنا .. بدخول هذا الحقل من الألغام .. بدون ما نقطع خيط الدلالة إلى الله ؟
ما أدري فهمتوني لو لا ؟
بس معذورين أنا هم مو كلش فاهم شنو أريد بالضبط.
### (النفط مقابل الغذاء)
هكذا عيني عينك كانت أمريكا تدوس على كرامة العراقيين وتترك أطفالهم للجوع ولا تعطيهم قطعة خبز إلا مقابل النفط !
هذا ما عرفناه وعشناه من أيام الحصار
فإذا وجدت أمريكا تريد تتلاعب بأعصابنا بموضوع الغاز مع اقتراب الصيف .. فهذه ليست أول قارورة كسرت في الإسلام.
اقرء ايضاً
