اسئلة ..!

احمد لعيبي
مادام احنه ميتين ميتين..
ذولة اللي كانوا يتهمونه بأن احنه وي الحكومة الساقطة اكثر منهم وكالوا نوصلك ونذبح ونصلخ
ونبني الوطن ..
وين صاروا ؟

زين ذني اللي عافن الدول والاهل والاحبة
ولبسن الجينز الحصر مثل حصرة الجلب بالجامع
واجن يردن وطن ويوزعن دولارات
وين صارن بازمة كورونا..؟

زين ابو التك تك اللي وكف وكفة بطولة
وينه ..
حسام الرسام وينه
قاسم السلطان وينه
رحمة بت رياض وين
كاظم بن جبار الساهر وين ؟

زين ابن الرمادي اليفزعلنه وين ياربك؟
مؤسسات المجتمع المدني
ومنظمة حقوق الانسان
والدفاع عن المرأة وينهم بالازمة

زين قنوات الشرقية
ودجلة والرشيد والحرة وينهم بالازمة
هلبت توعية مجانية
سلات غذائيةتطمينات للناس ..!!!

ستيفن وين
حسوني وين
البشير وين
غيوثي وين ..
شيب ابهاتهم وين؟

زين الحكومة الشريفة وين
احزاب الجشع التافه وين
لو مسوين صندوك لدعم الفقراء
من اللجان الاقتصادية مال الاحزاب
كان عوائل الدخل المحدود حفظت كرامتها
وكدرنا نبني كم مستشفى ميداني عالسريع.

زين الحلبوسي نزع السترة
برهم بعده حامي الدستور
عادل بعدهي استقالته بجيبه ..

زين احنه بعدنه عرباين
الزرفي وين ؟
محصل اجماع وثني
لو حاله حال علوشي ..

زين دم الشياب عبالكم
يمر بدون لعنه ..

ناس تشمت
وناس تشفه
وناس تضحك
وناس تحرك الصور
وناس تشكك بالصور
سوالف هواي ..
احنه الكورونه والبهبهان يلوكنه ..