كله من تراچي فوزيه..!

د. أمل الأسدي ||

يابويه هيچ وجروني جر.. وگعدوني علی الكرسي
وانه اتوسل بالطبيب دخيلك ما دخيلك!!
وهو يجر باذاني ويگلي چا آنه گايلك تصير افراري؟
هذي توجيهات القائد… الافراري نگص اذنه،
وكل الواكفين يصيحون هذي توجيهات القائد الافراري نگص اذنه!! وانه ارجف واتوسل بيهم!!

ولن فوزية يم راسي اتون.. دگوم هم عيد وهم عدمو الملعون، گوم جيب لي تراچي ذهب،انت مو مواعدني؟
شلون اذاني تظل فارغه؟!!
دگوم تظل نايم؟

بووويه وفتحت عيني وانه بالبيت… ما أگلكم حال فوزية شلون صار!! تريد تندل الباب وين ما تشوفه
تركض وتصيح بروح امك ما يجوز اليوم يوم فرح
يابويه الله لايرد ايامك السودة با بن اصبيحة
عساها بحظكم وبعافيتكم اولاد ام عروبه
هسة شتگولون اشتريلها لفوزيه تراچي يو لا؟

ـــــــــــــــــــــــــــ
د.أمل الأسدي
https://t.me/Ab_Wahab