شعر شعبي/ واقع حال..!
إياد الإمارة||
لون عكَروكَه يدري انباكَت الثورة
جا كض الجريذي و وكَعه بدفره
لو عكروكه يدري والوصخ حسون
بابن ملا طلال يلوط بالماعون
جا حشم الواوي والهكر يرحون
ويحركون باب المنطقة الخضرة
لون يدرون كل ناشط قبض شدة
وابو التكتك رجع يشتغل عالسدة
جا حط لبن جوحي طينته بخدة
على جتافه صعد وتناوشه بطَرة
لون حسوني يدري انباعت التحرير
ودم ذيج الولد أصبح إله تسعير
والراووه حنطة بايعوه شعير
ولا طرحوه زوج وحاير بأمره
حسوني الوصخ لو يدري تعبة يضيع
جا ما كطع شارع لا منع تشييع
كام المرتجي يشتري بيه ويبيع
حرك ستوتته وظل يا كل بظفرة
لو يدري الجريذي بمشرق المشروك
كاعد بالقصر متحلّف إعل البوك
ما خلى الدوام يمنعه ابن عفلوك
جا لدة اعل عينة براشدي
وصطرة
يالرايد وطن صار الوطن هيته
وعرفناها العصابة الخربت بيته
وكل دوني انكشف بينت تربيته
والمحروك خلوا الجوكر يعمرة
لون عكروكه يدري انلغفت الثورة
جا سواها مثل المسأله الكبرى
اقرء ايضاً
