جلمة ونص يا صاحبي.. بقلم _ مهظوم..!

عباس الزيدي ||

ابو الطاولة المستيدرة جان من يشوف صاحبي وبعد وياه شكم واحد يكولون الصاحبي
عمي بس انت الفايز
انت زلمة اشج خليك بعيد عن السياسة
( اشلون ادروب )
لمن دخل صاحبي وسحب البساط من جوة رجليهم شعروا بالخطر وراحو يدكون ابيبان السوء وصار صاحبي مصدر خطر لاصورة تنوخذ وياه ولا سلام مطالس
ها _ خوية سلامات
جا موش اني النظيف
ما حدى مما بدى
ورحع ابو الطاولة كاتلة الخوف والرجيف يطلب من واحد من ولدنا بلكي صاحبي يشيل من داره
لا وما اكتفى بهاي
اجه والعين حلسة ملسة ايريد لقطة بصندوك فارغ
صاحبي موبس شاطر وفطرته سليمة لا والله عليها زايد بايمان وعفه وعهد مع وعد وصدق لايختلف عليه من رضع حليب من درة طاهرة
وبقيت وي صاحبي وجربناها كلها من ابو عيون نعسانه لمن وصلنه لعرابها
وهذا طلع ابلى وادهى وحية( بالفصوح افعى ) تحت التبن و طلع شطارته بس ويه صاحبي
اشلون …؟؟؟؟
اني اكللك اطيني فنتج رحمة لامك
اول شي يكل لصاحبي انغلبنا
جيف انغلبت موش انت بعت الوادم بمليار
ثاني شي موش انت عرابها ..عشتوا
ثالث شي اسلون اتريد اصدكك بعد
من اتكول اني اوياكم
لا بعد عمك انت اتريدني تفكة ادافع عنك
واتريدني ساتر وانت من جوة ليجوة تحفر للوادم و ماخذ عطوة وتلم الحجي جلمة _ جلمة ويه الزيدي
ياصاحبي _ وبختك وشيبتك الطاهرة
ذولة لاحظ ولابخت
ولاعهد ولا وعد
هذوله نسوا ذكر الله فانساهم انفسهم
وحك لا اله الا الله كل سابجة مالهم بالاسلام
والحمد لله اليتيهنا ينشد علينه
من الثمانينات للانتفاضات وبعد سكوط صديم
ماغمضت النه عين ولانامنه مطلوب
والعباس وكلهن نعرفهن
لكن ياجماعة الخير ياخذنه المستحة والدين
وبختكم يعثرني همه موش اشطر منه
على اية حال
نسال للله حسن العاقبة ويكفينا شر طلابة الدنية •
لالعباس اخو زينب احنه ساكتين حيلة وكاظين الساناته كوة
واكو ساعة اندكلكم جمبش ( بالفصوح طبلة او بالاحرى ايقاع)
وقد ازعر من ازنر
ياصاحبي ونعم الصديج
ياصاحبي ونعم الرفيج