بربورة.. بس چبيرة..!

انتصار الماهود ||

من أكتب مقال عن شهيد اسمع انشودة نحن لا نهزم.. واتذكر شريط الأحداث من 2014 ولليوم كل قصة كل حدث كل جندي كل جريح كل شهيد كل الاحداث تتسارع براسي كل حادث أليم كل خبر من يوصلني شلون جنت أبجي للصبح على شباب راحت فدوة للوطن وشباب فقدت أجزاء من أجسادها الطاهرة وبقت شامخة.

إشلون أمهات الشهداء أستقبلن هالخبر وشصار بيهن بساعتها…. هذا أكثر سؤال ياذيني لأن اعرف جوابه شفته بأقرب الناس الي من فقدت وحيدها..

كل قصة لشهيد ما اكتبها اذا ما انطيها حقها بالكتابة لأن هذا ملف مهم مو مال اكتبها بطريقة سردية عادية..

ابطال كان ألهم فضل علينا لولاهم ما عشنا بأمان اليوم…

ولازم نوثق هالقصص سواء بمقالات او قصص او افلام ومسلسلات حتى لا يصادرون تعب ولدنا ونطلع باجر احنا موخوش لان هسة كدام عينا الحاضر زيفوه.. شلون بالمستقبل.. شراح يصير

قصصهم امانة.. سوالفهم امانة.. صورهم امانة.. ولازم ما نقصر بهذه الامانة وان شاء الله احنا كدها.

ويجي هسة الاغم يساومني على وطنيي وعقيدتي ومذهبي وحجابي وصوتي وصورتي..

تعال قدم ربع الي ٱني قدمته وعود تفلسف براسي ي النايم للظهر..!