اتمنى ان تقرؤها ..!

د.آزاد حسن

إحنه العراقيين آلي صار بينا مثل سالفة الشاب اللي لگه بنت مغمى عليها بالشارع واخدها لأقرب مستشفى .. وبعد ما فحصها الدكتور گالها مبرووك .. المدام حامل … وهو يگول مو اني أبو الطفل .. والبنت تبكي وتگله . . . لا أ نت أبوه .. وبعد قتال وصريخ وتحليل DNA وفحوصات الدكتور گله . . . إنو مو هو أبو الطفل ولا يمكن يكون أبوه ﻷنو عنده عقم وما يخلف … طلع من المستشفى وهو فرحان إنو ((بريء)) .. وزعلان لأنو ما يخلف … وفجأه بيتذكر انو متزوج و مخلف ولدين و گعد يسأل حاله طيب هذوله منین إجو … ولگى حاله صحى من النوم وفرح انه كل هذا كان حلم وشرب مي من الرعب وبعد ما شرب تذكر انو صايم … واتطلع بالساعة لگه حاله اتأخر على الشغل ..
و نزل ما لگه كيا … ف اخد تكسي … و راح ع الشغل ما لگه احد … وتذكر أن اليوم يوم الجمعة .. و ماكو شغل بهذا اليوم ..
رجع على البيت بسرعة .. حتى يلحگ يتوضى .. ويروح ع صلاة الجمعة … و طلعت مرته گلتله وين كنت … ولوين رايح يا جورج … كان ناسي انه مسيحي …
هذا حال العراقيين اليوم سادتي .. الاوضاع خلت العراقي يشك حتى بهويته ودايخ ومفتر عنده الديلكو طووول الوقت
هويتنا عراقية وولاءنا للعراق وقوتنا في شدة وحدتنا مع مراجعنا العظام فلا تزيحو نعمة منحه الله لنا وتجنبوا الفتن فإنها هلاك الشعوب.
ــــــــــــ