الثلاثاء - 06 اكتوبر 2026
ماذا عن اللطيفية؟!
منذ ساعة واحدة
الثلاثاء - 06 اكتوبر 2026
محسن الشمري ||
مناسبة الحديث عن جرف الصخر، خلي شويه اسولف الكم عن عشائر هاي المنطقة شنو سوت بينه، لأن الكثير من الناس من غير مناطق يعتقدون أنو سبب منع هاي العشائر من العودة الى مناطقها لسبب طائىفي وهذا الكلام غير دقيق، ويت الكم إشارة على منطقة اللطيفية،
الحلة، الديوانية، النجف، كربلاء، اهل هاي المحافظات اي واحد يريد الذهاب الى بغداد لازم يمر عن طريق اللطيفية،
عام 2005/ بعد ما تم فتح التعيينات في الجيش و الشرطة، أحد أبناء عمومتي قرر يروح الى محافظة بغداد باحثا عن تعيين بالقوات الأمنية، تم نصب سيطرة وهمية الهم في منطقة اللطيفية، وتمت تصفيتهم كلهم و عددهم أكثر من 30 شاب بعمر الورد، بعد ما تمت تصفيتهم من قبل السيطرة الوهمية، منفذين العىملية الإرهىابية دخلوا الى منطقة جرف الصخر،
عام 2005/ انتحىاري يقود صهريج مفخحْ فحٍر نفسه في منطقة المسيب وراح ضحية هذا الانفحٍار اكثر من 300 شخص بين شهيد وجريح، بعد التحقيقات تبين الصهريج خرج من منطقة جرف الصخر،
والدي و أبناء عمومتي يشتغلون بالمخابز في بغداد اقسم بالله العظيم من نتصل عليهم ما نكلهم وصلتوا بغداد، لا نكلهم عبرتوا منطقة اللطيفية اذا كالوا عبرنا اللطيفية، هذا يعني نجوا من الموت،
منطقة اليوسفية
جرف الصخر
اي عملية إرهىابية يتم تنفيذها في منطقة اللطيفية، الإرهىابيين كانوا يخرجون من تلك المناطق، وبعد ما يتم تنفيذ العملية يعودون إلى اليوسفية و جرف الصخر،
بالطائفية راحت ناس أبرياء سنة و شيعة، لكن المجىرمين ما كانت عندهم مناطق تؤوي الإرهىابيين مثل جرف الصخر و اليوسفية،
شكم جندي تمت تصفيتهم؟
شكم ضابط تمت تصفيتهم؟
مئات من القوات الأمنية تمت تصفيتهم، من قبل عشائر جرف الصخر و اليوسفية،
بعد الفتوى عام 2014 وبعد ما تم تطهير جرف الصخر، اللطيفية صار بيها امان اكثر من الأمان الموجود بسويسرا،
الحقيقة المرة للبعض و اللي ما يريد يتقبل الحقيقة، هي الإرهىابيون الذين تسببوا بقىتل المئات إذا مو آلاف كلهم أبناء تلك العشائر،
السؤال هل هؤلاء الإرهىابيين تم اعتقالهم و تمت محاسبتهم، ام لا يزالون موجودين؟ الجواب بعدهم موجودين في تلك العشائر لأن الحكومة مستحيل تكدر تشخصهم،
الحل لعودة العشائر الى منطقة جرف الصخر هي كل عشيرة تسلم الإرهىابيين المنتمين للعشيرة، لا تكلي ما يعرفونهم، اقسم بالله يعرفونهم واحد واحد،
الحل الثاني يتم تعويض اهالي المنطقة بمبالغ مالية، وهذا هو الحل الأفضل،
اما عودة هاي العشائر الى مناطقها هذا الشي مو الفصىائل هي اللي ما راح تسمح بيه، لا عشائر الضحايا مستحيل يسمحون بعودة هؤلاء المجرمين الى مىناطقهم،
رسالتي الأخيرة إلى اهلنا في الغربية، لو كانت هناك عشيرة من الجنوب تسكن في الغربية و ارتكبت مجارْر بحق أبناءكم هل راح تسمحون الهم بالعودة؟!
اتمنى منكم، تتركون هاي المنشورات مال دعم هذا الشيخ اللي عشيرته متروسه إرهىابيين، لأن بصراحة هؤلاء لا يستحقون واحد يدافع عنهم،
اقرء ايضاً
