الطف من ينذكر يحسين..!
بهاء الخزعلي ||
الطف من ينذكر يحسين
أترجم فكرتي بالعين
مشاهد من أرض وسعه
وبيها أشلاء متوزعه
أول ما تجي الفكرة
تهل دموعي متگطعه
ومثل ذيج السبايه تطيح
دمعه تواسي بدمعه
وأظل بحزني والفجعه
وسواد الهدم ما أنزعه
وأعيشن حسرتي من سنين
الطف من ينذكر يحسين
الطف من ينذكر يحسين
أترجم فكرتي بالعين
جيوش ألتمت الغايه
رايه تسابكَ برايه
تريد تمنعك من الماي
گبل جي ماكو مشايه
لجن ندري النهر رايه
يشح لو جان الهوايه
كل حي منخلق من ماي
وعليك أنگلبت الآيه
وتموت وضاميه الشفتين
الطف من ينذكر يحسين
الطف من ينذكر يحسين
أترجم فكرتي بالعينَ
جيوش تحاصر الميدان
وماكو أبينهم فاصل
ومن هاللحظه أرد أيام
گبل ليطيح أبو فاضل
يشكَ بسيفه صف الجيش
ويشطر صاعد و نازل
من عدها وفهمت شصار
بعد الگمر وشحاصل
لون ما طايحه الجفين
الطف من ينذكر يحسين
الطف من ينذكر يحسين
أترجم فكرتي بالعين
أعاين جثتك بحرگه
وأشوف السيف والدرگه
طاحن يمك مهشمات
وصدرك خيل التسحگه
وأسمع صرخت الأطفال
بنص خيام محترگه
مشهد ما تصدگه بطيف
شلون الواقع يصدگه
لجن هذا التشوفه العين
الطف من ينذكر يحسين
الطف من ينذكر يحسين
أترجم فكرتي بالعين
وأشوفن زينب مكبله
وتشم بحسين وتقبله
وتگوم تعاين الجثمان
ودمعها أعليهم تسبله
وفجأة وتلتفت تحتار
بين سهام والقتله
نبله بعين للعباس
وطفل مذبوح بالنبله
ليا جثه تجي الرجلين
الطف من ينذكر يحسين
الطف من ينذكر يحسين
أترجم فكرتي بالعين
وأرد من صرخت التاريخ
وأرجع ثاني للحاضر
وأشوف الظلم في لبنان
لحسن نصر الله من ناصر
و ياليتنا كنا وياك
حجي لسان ومشاطر
يزيد لهسه يحكم ليش
وأخوة يوسف تناضر
وفهمت الحرب ضد الدين
الطف من ينذكر يحسين
اقرء ايضاً
