في قديم الزمان…!

قاسم آل ماضي ||

إجه رجل شايب لكاتب عرايض ڰله عمي ماتكتبلي عريضه للمتصرف اريد ينطيني قطعة ارض ترى كلشي مااملك بهل الوطن …؟؟

گله اگعد حجي ..گعد بدأ العرضجي يكتب وعند اكمال الكتابه گله گوم حجي ابصم..
گله الشايب عمي اقرالي شكتبت؟..
بدء العرضجي يقرأ..

السيد المتصرف
إني المواطن فلان الفلاني
جئتكم بطلبي لشخصكم الكريم
ان تخصص لي قطعة ارض

حيث اني صاحب عائلة كبيرة وقد بلغت من الكبر عتيا واطفالي يفترشون الارض
ويلتحفون السماء
ولم اجد قوت يومي لاعالتهم
ولا استطيع دفع بدل الايجار
مهما يكون المبلغ فأرجو من سيادتكم
انصافي وتلبية طلبي وانتشالي من الواقع المرير الذي انا فيه..
التفت العرضجي الى الرجل واذا بالرجل

ينهد ويبچي..
گله اشبيك تبچي ؟….
گله الرجل ﭼـا اَنا هالكثر ماره بيه مصايب
وما ادري بروحي!!
رباط سالفتي
الله عليكم لو اكو عرضچي مثل هذا
زين يكتب للعراقيين عريضه بالمصايب
اللي مرت عليهم

ﭼـان اشكتب واشڰلنه احنا؟

على العموم تهون مابقى شيء
ان شاء الله الفرج قريب.. !!!